ჩვენ შესახებ
სიახლეები
პუბლიკაციები
საჯარო ინფორმაცია
კონტაქტი
თელავის ისტორიულ მუზეუმში , ალავერდის ეპარქიის მხარდაჭერით გაიხსნა თელაველი ხატმწერის, მინიატიურისტის, ლითონმქანდაკებლისა და რესტავრატორის თეიმურაზ ყაზახაშვილის 60 წლის იუბილესადმი მიძღვნილი გამოფენა.
გამოფენა მოეწყო ქრისტიანობის სახელმწიფო რელიგიად გამოცხადების 1700 წლის საიუბილეო თარიღის ფარგლებში.
ექსპოზიციაზე წარმოდგენილია თეიმურაზ ყაზახაშვილისა და მისი მეუღლის ნინო სანებლიძის, ერთობლივად შექმნილი უნიკალური მინიატიურები და საეკლესიო თემატიკის ნამუშევრები, რომლებიც ბიბლიის საილუსტრაციოდ შეიქმნა და 2022 წელს გამომცემლობა „ალილომ“ გამოსცა.
გამოფენის გახსნას ესწრებოდნენ აბბა ალავერდელი მიტროპოლიტი დავითი, სასულიერო პირები, კულტურის სფეროს წარმომადგენლები და მხატვრის მეგობრები.
თეიმურაზ ყაზახაშვილის გამოფენას თელავის ისტორიულმა მუზეუმმა პირველად 1991 წელს უმასპინძლა,სადაც წარმოდგენილი იყო მხატვრის მრავალფეროვანი ნამუშევრები .მისი ერთი ფერწერული ტილო დაცულია მუზეუმის ხელოვნების ფონდში.