მუზეუმების საერთაშორისო კვირეულის ფარგლებში თელავის ისტორიული მუზეუმიში გაიმართა პრეზენტაცია თემაზე — „რეალიზმი და მოდერნიზმი ქართულ ხელოვნებაში“.

მუზეუმების საერთაშორისო კვირეულის ფარგლებში თელავის ისტორიული მუზეუმიში გაიმართა პრეზენტაცია თემაზე — „რეალიზმი და მოდერნიზმი ქართულ ხელოვნებაში“.

მუზეუმს სტუმრად ეწვივნენ სოფელ გულგულის საჯარო სკოლის მოსწავლეები, რომლებმაც დაათვალიერეს მუზეუმის სამხატვრო გალერეა, გაეცნენ ქართული მხატვრობის გამორჩეულ ნიმუშებს, ხოლო შემდეგ წარმოადგინეს მათ მიერ მომზადებული თემები გიგო გაბაშვილის, ელენე ახვლედიანის, ლადო გუდიაშვილის, იაკობ ნიკოლაძის და ქეთევან მაღალაშვილის შესახებ.

მოსწავლეებმა ისაუბრეს მხატვრების შემოქმედებით ხედვებზე და მათ მნიშვნელოვან როლზე ქართული და ევროპული კულტურების დაახლოების პროცესში.

ასევე ყურადღება გამახვილდა რეალიზმისა და მოდერნიზმის თავისებურებებზე და იმ გავლენებზე, რომლებმაც მნიშვნელოვანი კვალი დატოვეს ქართული ხელოვნების განვითარებაში.

შეხვედრამ მოსწავლეებს შესაძლებლობა მისცა, ხელოვნების საშუალებით კიდევ უფრო ახლოს გაცნობოდნენ ქართულ კულტურულ მემკვიდრეობას და მუზეუმის სივრცე შემოქმედებითი დიალოგის ადგილად ექციათ.