თელავის ისტორიული მუზეუმისა და მერაბ კოსტავას სახელობის თელავის მეოთხე საჯარო სკოლის ერთობლივი ღონისძიება რომელიც მიეძღვნა საქართველოს კათოლიკოს-პატრიარქის, ილია II-ის ნათელ ხსოვნას.

თელავის ისტორიული მუზეუმისა და მერაბ კოსტავას სახელობის თელავის მეოთხე საჯარო სკოლის ერთობლივი ორგანიზებით გაიმართა კიდევ ერთი მნიშვნელოვანი და შთამბეჭდავი ღონისძიება, რომელიც მიეძღვნა საქართველოს კათოლიკოს-პატრიარქის, ილია II-ის ნათელ ხსოვნას.

ღონისძიებას ესწრებოდნენ კახეთის მხარეში სახელმწიფო რწმუნებული პლატონ კალმახელიძე, თელავის მუნიციპალიტეტის საკრებულოს თავმჯდომარე არჩილ თხლაშიძე და მერის მოადგილე გიგა მამუკელაშვილი დამსწრე საზოგადეობასთან ერთად.

მოსწავლეებმა სითბოთი და გულწრფელობით ისაუბრეს მისი უწმინდესობის ცხოვრებასა და მოღვაწეობაზე, გაიხსენეს მისი სულიერი გზა, ადამიანური სიკეთე და მამობრივი მზრუნველობა, რამაც ღონისძიებას განსაკუთრებული ემოციური დატვირთვა შესძინა.

მუზეუმის ჰოლში წარმოდგენილი იყო პატრიარქის ცხოვრებისა და მოღვაწეობის ამსახველი იშვიათი ფოტომასალა, რომელმაც კიდევ ერთხელ გააცოცხლა მისი უწმინდესობის სულიერი მემკვიდრეობა და ღვაწლი.

რამდენიმე დღეში სრულდება ორმოცი დღე პატრიარქის გარდაცვალებიდან, რის გამოც ღონისძიება სიმბოლურად კიდევ უფრო ემოციური გახდა — ახალგაზრდებმა თეთრი მტრედები ააფრინეს გზავნილით: „პატრიარქო, გვიყვარხარ“.

ღონისძიების დასასრულს, მუზეუმის დირექტორმა გურამ ურჩუხიშვილმა მადლობის სიგელები გადასცა მერაბ კოსტავას სახელობის თელავის მეოთხე საჯარო სკოლის დირექტორს, ქალბატონ ეკატერინე გიგიტელაშვილს, ასევე პედაგოგებს - ნანა ღარიბაშვილსა და თამარ ლეშკაშელს, მაღალი პროფესიონალიზმითა და პასუხისმგებლობით ორგანიზებული ღონისძიებისთვის. განსაკუთრებული მადლობა გამოითქვა თითოეული მოსწავლის მიმართ, მათი ემოციური და გულწრფელი მონაწილეობისთვის.

ღონისძიება გაიმართა საქართველოში ქრისტიანობის სახელმწიფო რელიგიად გამოცხადების 1700 წლის საიუბილეო თარიღის ფარგლებში. მოგახსენებთ, რომ მთელი წლის განმავლობაში თელავის ისტორიულ მუზეუმში დაგეგმილია არაერთი მნიშვნელოვანი აქტივობა, რომლიც განხორცილედება აღნიშნული საიუბილეო თარიღის ფარგლებში და მიეძღვნება პატრიარქის ნათელ ხსოვნას